我本身係唯美試衫，上到舖頭先知道原來可以訂製埋花球，啱曬咁懶嘅我。Secret Garden係款式上真係琳瑯滿目，唔一定要跟佢哋嘅樣版，可以tailor made。

我自己就唔想要主花，反而係想要襯花堆砌出黎嘅效果，但偏偏我自己又唔係好表達到個意思。係咁嘅情況下，Michelle佢哋都會明我想要咩，真係好神奇。😳佢哋仲會根據季節比意見，始終唔同嘅花係唔同季節盛開嘛。咁啱我想要嘅桔梗係當時未係最靚，但佢哋都會如實講，唔會一味順應客人要求。👍🏼

我希望加入歐美風、顏色就以綠色、黃色、白色為主，最後出來嘅效果好有美感，唔會雜亂無章。我嘅車花同襟花都係問佢哋設計，全部都好劃一、整齊。🥰 係疫情下佢哋嘅防疫措施都做得好足，唔需要擔心。

Secret Garden除咗硬件好，軟件都好好。我有時帶埋老人家上去，佢哋都唔會嫌老人家長氣，好take care佢哋。另外，佢哋好識得打完場。有時男人嘅意見都冇咩用或者係唔係好識得修飾用詞，真係會幾煩躁。🤪佢哋好識得處理依啲問題，連我另一半都話好彩有佢哋係度，如果唔係又講錯嘢。

最貼心係會做埋情緒輔導，你知啦，搞婚禮好多時候都唔係一啲煩惱都冇，例如每個家人嘅要求唔同。佢哋就會好似朋友咁幫你分析件事，比意見你，但同時都唔會令你難受。🥺👍🏼