女MC比到一種浪漫嘅感覺我，我認為適合婚禮多啲，於是做資料搜集嘅時候都係集中睇女仔。後來就發現到係幾個女mc當中，Wini佢嘅經驗豐富，唔止係婚禮仲有商場嘅主持，加上又生得靚女（真人好睇過上鏡）😝我就即刻查詢下，我即日就同佢通咗個電話，問埋老公之後仲即日落單添，佢把聲真係好sweet。😚

婚禮前3個月我地約見面發現佢係一個好outgoing嘅女仔，都傾計傾咗一段時間。一邊傾一邊了解我嘅要求、我同先生嘅故事。除咗係講我嘅要求，佢都會針對rundown比意見，等我plan嘅時候可以流暢好多。😗除咗mc之外，我仲有請證婚律師嘅。我big day當日見到佢哋好快就熟咗，仲交換埋contact，可以睇得出Wini真係一個好有親和力嘅女仔。😝

佢要hold住成個場，所有細節都要知道得一清二楚，安排影相同長輩溝通都好有耐性。 當新人有問題嘅時候都會即場諗解決方法。例如係我本來想早啲著我件主婚紗出來迎賓，因為我真係好鍾意果條裙。但係Wini就話如果一早著會冇咁有驚喜，但如果我想主婚紗出場時間耐啲佢會幫我安排，都會同攝影師協商係我著主婚紗切蛋糕、敬酒嘅時候安排影多啲相。

其實我曾經有考慮過不如搵姊妹做mc就算，但後來發現好彩我都係請專業人士先可以令婚禮咁順暢。😘