我見唔少新人都會搵男仔mc，但我自己本身係target女mc，總係有種感覺女mc親和力高啲。🙈我係搵緊mc嘅時候無意中發現咗Wini，覺得佢outlook幾好。同佢通過一次電話，從對答中都大約知道佢係一個幾大方得體嘅女仔，於是就搵佢做mc。 Wini係事前都有問我哋愛情故事，其實我自己就覺得我嘅事好似好平淡冇咩特別地方，係佢慢慢引導我講多啲，令個speech可以豐富啲。😄佢寫好稿都會比我過目，例如佢一開始係叫我英文名，但係我班親戚叫慣我中文名，所以我都有叫佢該返中文名，可以親切少少，佢都好快手就按照我嘅要求修改。😉我個婚禮唔係好大排筵席，主要都係宴請親戚，本身都係想佢可以幫我hold下場面，唔會話真係超多嘢要預備同講。再加上我啲親戚全部都係一group group咁分，好少話兩三個兩三個咁影相，成個流程都好順暢。😌 雖然我聽唔到Wini講opening嘅時候係點，但係親戚朋友對佢印象好好，話佢把聲好甜美。🥰經驗搭救都幾重要，可能係我嘅親戚本身唔係好活躍，佢哋好少會話好大反應，所以我都知Wini係搞氣氛方面都落咗唔少功夫，盡咗力㗎啦～🤣本身我婚禮當日係話有兩個風球打到來，我都好擔憂，Wini佢就好positive反而係佢安慰返我轉頭，好彩最後兩個風唔知點解分開咗行，一切都順順利利。😇