因為我嘅婚禮因為疫情嘅關係，就被迫延期咗一年嘅時候，直到婚前嘅一個月我哋先真正決定到日子同地點，所以婚禮嘅佈置同其他唔同嘅Vendor，我哋主要一夾嘅期就會㨂，本身我諗住有一年嘅時間可以唔用專業MC，因為都有成年時間準備，但最後得一個月嘅時間，太過趕急，所以我哋就決定㨂個專業嘅MC負責當日嘅安排。🧐

而Wini係我大學同Hall嘅Hallmate嚟，但當時就唔係太熟悉，不過喺大學嘅Event會遇到佢，就覺得佢當時已經好Talkative，佢都好有好多Mc經驗，講嘢嘅時候都好大方得體，所以就無特別比較過其他MC，就決定搵咗Wini幫手。🤓

我哋同Wini係前期溝通，都覺得佢好專業，好熟悉每個部分，佢都一直有搵我傾，但因為我真係比較忙，得一個月時間決定所有嘢，所以我係婚期前兩星期先有時間同Wini傾下唔同嘅細節，因為我哋最後係中午嘅婚宴，本身我哋都唔係好清楚，中午同夜晚嘅流程有乜分別，Wini就俾咗Template我哋去Follow，當完成咗Rundown嘅Draft，佢哋都俾咗好多好好嘅Comments俾我哋。🥳

當婚禮當日Wini嘅Performance係我哋同屋企人最深刻嘅，因為當日影相部分，親戚朋友實在太多，我媽咪同奶奶影影下，有段時間Out of control，就一直叫佢哋嘅朋友上枱影相，捉住Wini傾下一組想加邊啲人，但Wini成個過程係完全無脾氣，仲會安撫兩老嘅情緒💖，之後其他過程都好順暢。 我老爺本身喺啲要求好高嘅人，食飯嘅時候，佢係好大讚MC Wini好專業，講嘢好大方得體，令到成個流程都好Smooth。👍