因為疫情我total改期改咗四次，原本我係搵另一支樂隊，但係最後一次改期夾唔到時間。得返一個月時間，我臨急臨忙搵咗The Clover 幫手。😭

當時啱啱話要打疫苗，都未必有咁多人打咗，令到成件事困難程度上升。我哋搵嘅樂隊當中得佢哋符合條件，又發現佢哋攞過好多獎，所以都好快決定咁揀咗佢哋。🤣

佢哋回覆得我哋超快，亦都好樂意同我哋一齊商量事情。我哋情況比較複雜，同一日會舉行4場，每一場大概20人，4場都係唔同年齡唔同關係，所以要唱嘅歌曲風可以話係南轅北轍。😎

我開頭有擔心過佢哋會唔會練唔切，但係turn out個反應非常之好。雖然賓客未至於好Hyper、好興奮，但成個感覺好舒服、好輕快，係我意料之外嘅事情。🤩雖然我哋冇喺rundown上面有過多嘅商量，但係佢好樂意配合我哋，所以我都好放心。❤️

當日真係辛苦晒佢哋Non-stop咁表演，由march in、中場同食嘢都係有樂隊演奏，令到成個會場氣氛都好好。☺️特別係有一次嘅march in有小朋友一齊進場，會用比較輕鬆、溫柔嘅演奏方式去唱《分分鐘需要你》呢首歌，令到小朋友都冇咁緊張。😌可以話我哋嘅婚禮因為佢哋生色不少，場地比較大但又要分開咗4場，都怕會令到個場空蕩蕩，但係佢哋嘅演奏令到成個場都warm up晒，真係多得佢哋先可以令到個氣氛咁好。🥳