一開始留意到The Clover係因為YouTube上面嘅片段，見到佢哋同其他樂隊唔同嘅地方係可以full band，感覺上專業好多。我問資料都解釋得非常之詳盡，而且價錢好合理，所以我都冇咩猶豫下就選擇左佢哋。😁

佢哋一直比到我一種好遷就新人嘅感覺，選擇都非常之彈性，例如佢哋可以根據新人選擇嘅曲風安排歌手。曲風上面佢哋都冇限制，我主要係選擇一啲新興而又輕快嘅英文歌。佢哋都練習得好流暢啦，之後都會安排rehearsal俾我哋嘅，佢仲會好主動幫手拍片留念添，睇得出佢哋係樂意做。👍

Big day果日佢哋都好快手set場，就算set場時間突然少咗，佢哋準時完成。 佢哋嘅表演真係無可挑剔，基本上幾個鐘連續係咁唱，由7點開始到10點冇停過，而氣氛都係一直咁好。所有賓客都有讚冇彈，話因為有表演所以令到成個感覺豐富好多。我自己都有上台唱番一兩首，佢哋都好主動同我講注意嘅事項，例如叫我唔好用場地嘅咪，佢哋會幫我預備，確保返成個演出嘅質素。所以我覺得佢哋真係好細心，質素又高嘅樂隊。👏