當初我接觸到Luna Wedding嘅時間，覺得佢哋小清新嘅風格我都幾鍾意，加上價錢相宜，符合我哋預算，所以就㨂咗佢幫手影相。😎

期間Jun主要同我哋溝通聯絡，份人都幾Nice同講嘢都好清晰。 Big Day當日Jun係我其中一個攝影師，有一個正拍同一個側拍，佢會定時提我對老婆甜啲，眼神情深款款啲，佢係過程中都會講好多好Sweet嘅嘢🥰，令我哋係影相嘅氛圍都覺得Sweet💗。

佢哋成個過程都表達得好清晰，當日我同老婆都各自換咗個2-3套衫，Jun同其他同事都幫我哋影好多唔同角度嘅相，整體效果都好靚，我哋都好鍾意，攝影師同助手們整日都好專業，全日都跟得好足👍，佢哋仲教其他賓客點企位同Pose，啲客人都覺得佢哋表現唔錯。😁