一開始我自己就想搵戶外場地，因為想我自己狗狗都可以參與到🐶，比較過幾個戶外場地，就覺得The Vow又有海景同草地，價錢合理，性價比高，所以就㨂咗The Vow🤓。

我本身係Open Day嘅時候去睇場，同事Karling就係當日同我介紹場哋，佢成個感覺好Friendly，同我講解詳細又非常詳細，所以我即日就決定咗㨂The Vow作為婚宴場地😁。後期就由同事Karnies同Paster同我溝通，佢哋回覆都好快，係當中安排上都有俾啲建議我哋🥰 ，當日佢哋食物方面都好味。

我哋婚禮當日因為咁啱落大雨，加上當時係12月，完全係又凍又大雨😖，戶外場地完全進行唔到證婚儀式，但The Vow佢哋啲同事都好好，盡力去幫我諗辦法搵後備場地，佢哋同商場嗰邊溝通，睇下有無可能用到佢哋口嘅場地，最後係借咗商場嘅部分進行儀式😚。

Cocktail 部分因為本來都係計劃戶外，但因應當時嘅情況，佢哋都即時安排係係Dinning嘅哋方度Set cocktail位置（因為Dinning 部分本身有帳篷就無受天氣影響），所以都可以順利舉行呢部分🤨。因為當日嘅天氣關係，好多嘢都要調整，雖然好混亂，但The Vow嘅同事都儘力幫我去處理，用最好嘅方法去幫我完成整個婚禮，整個過程我覺得相信自己嘅Vendor都好重要，因為佢哋都係好專業又有都有經驗，所以我覺得聽佢哋嘅意見都非常重要👍。