因為我睇到婚享會網站嘅其他新人分享，見到 Jason Pang Gallery 比較高分，而評語又Positive，我都睇過幾間唔同嘅攝影師嘅片，都睇過其他朋友結婚片，比較完一輪我就覺得Jason Pang嘅片風格比較啱我哋多啲，所以就㨂咗Jason Pang Gallery。🥸

第一次同Jason Pang接觸係電話溝通，我記得傾咗45分鐘電話，整個過程令我感受到佢好誠意，佢有同我分享佢當初點樣入行，同埋佢對影相嘅熱誠。我覺得呢份Passion真係好重要，因為咁樣先會幫你真心做好件事。而佢解釋成個Package嘅時候都非常清晰，態度又好好。🥰

Jason係成個過程都好專業，我一俾Rundown俾佢睇，佢就已經可以指出問題，因為我哋始終未結過婚，唔知實際需要用嘅時間同安排，佢會係唔同嘅部分都俾意見我哋，就好似斟茶嘅時間安排，佢調整完份Rundown再俾番我哋。😁

婚禮當日就由Jason同其他兩位同事一齊幫手，一個負責影我哋攝影師，個側拍同一個錄影，當日佢哋除咗教我企位、擺Pose，提兄弟姊妹點樣配合之外，佢哋仲會好快就影好多唔同嘅角度嘅相，拍攝期間亦佢哋都幾搞笑，佢哋係啲寬容又好Nice嘅攝影師，令到整個氣氛好好。😍我啲朋友都讚攝影師好好，為咗最好嘅角度去影張相，佢哋不斷咁上上落落咁幫我哋影相，真係好落力。👍🏽

收到相同片之後，我哋都好滿意✨ ，尤其係Jason Pang影嘅相，因為佢影好多我哋平日時預計唔到嘅角度，佢又會教我哋好多唔同嘅Pose，其中一張係佢教我跟番相入面嘅動作做出嚟，再叫埋我屋企一齊影，所以整個效果出嚟都幾得意。😍