大妗姐中伏經歷 希望唔好再有新人同我一樣一世一次嘅過大禮都比人搞砸 事源我同我老公都係屋企長子長女，屋企長老對過大禮程序都𠱸太熟悉，所以我老公就上網search到呢位所謂星級大妗姐華姨，見佢都上電視上YouTube受訪應該都唔會太差，點知就中大伏 我地比好錢book好日子之後佢就消失左咁，完全冇講過我地要有咩準備，到過大禮前一日我地打電話過去問佢先話準備幾封利是for果籃擲禮用就得，咁我地諗住請得大妗佢都會搞掂，我地就跟住佢講嘅做。

到咗當日，佢入門之後就係咁易鋪左塊紅布係枱，然後將幾籃禮就咁平放係枱，連分開兩層打斜放都冇，就話ok啦，要幫我地影相。加上我地係已經簽左紙後補婚禮，金飾已經比左女家冇同大禮一齊過，但阿華姐係完全冇提過叫我地拎d金岀黎放上間影相，就係狂係度話好靚好靚咁影住佢賣嗰幾籃嘢！ 仲要佢由入門到走嗰刻一句吉利恭喜說話都冇講過。咁都算，我地前一日打埋去問要準備咩佢都冇提過女婿金呢樣野，嗰日突然就拎左個利是封岀黎話外母要比女婿金喎。我地根本完全冇準備到，佢就話係禮金拎d錢岀黎放入去就得喎，大家就咁兜口兜面係度玩封利是，尷尬到一個點！

佢入左我屋一個鐘都冇，但就用左十幾廿分鐘講自己幾好命幾多仔女幾多孫。 講真我地就係唔識先搵大妗姐幫手，但佢就似係蝦我地唔識就是但求其做！連最基本放靚d大禮等新人影下相都唔做，真係過分到極點！一世人一次咁嘅過程就咁比佢搞喎左，希望唔好再有人同我一樣中伏！