我哋嘅婚禮係夜晚係戶外場地舉辦，想搵返啲樂隊令當晚嘅氣氛好啲🥰。搵The Clover前我都有比較過其他live band，但就覺得其他有啲偏貴，於是我就WhatsApp聯絡The Clover問吓價。我覺得佢哋都覆得幾快，而且解釋得好清楚👍，喺對話中感覺到佢哋好有熱誠🔥，又好friendly😁，於是就join咗佢哋夜晚6-9點live band嘅package。

我哋心目中希望婚禮做比較jazzy嘅效果，佢哋就推介返有邊幾個歌手唱開jazz同埋有啲咩歌可以揀，都有幾廿首，好配合到我哋嘅要求🥰。除咗佢哋嘅song list，另外可以有三首自選，我哋就揀咗2首英文歌同埋1首歌俾我先生想獻唱🤣。因為我先生都唔係唱開歌嘅人，都驚到時夾唔到，佢哋就叫我哋唔使擔心，佢哋可以做到同佢聽嘅節奏一模一樣💯。到婚禮當晚，有4位樂手，2個女仔2個男仔嚟咗，佢哋亦有早啲同我先生夾歌，即場tune返個啱佢唱啲key同速度，真係好好❤️～當晚其中一位爺爺級嗰種長輩特別想唱首廣東話嘅老歌，佢哋都唔介意，仲可以即刻tune出嚟彈🤩。我覺得呢啲咁嘅即場要求可能都會要加錢，但係佢哋都冇，所以覺得佢哋真係超級好💯，嗰位長輩都唱得好開心😆～

另外有一點我真係想大力讚爆👍，我哋結婚之前嗰晚係8號風球，結婚場地係戶外冇cover，所以我哋31號已經WhatsApp同佢哋傾吓天雨安排，都擔心落雨場地嗰邊cover唔到佢哋，佢哋就叫我哋唔使擔心，話佢哋自己會預備啲防具去遮住啲equipment，真係好幫到手😍！當晚所有嘢都好smooth，氣氛好好😍，我有其他朋友都即刻問佢哋攞卡片！好多朋友都大讚👍～佢哋真係好好💪🏻，我希望可以喺婚禮以外嘅場合都見到佢哋，例如係其他地方有啲jazz night，我都可以聽到佢哋演出嘅話就好喇！超正呀🥰！