我起初係喺婚享會度見到Jason Pang Gallery有幾多唔錯嘅comment，又見到佢哋拎好多獎，就再去返佢哋IG睇吓佢哋啲相😏。睇完覺得風格都幾啱自己，所以嘗試聯絡佢地😊。我whatsapp佢哋，回覆得好快好有效率，最後我哋揀左佢哋 7個鐘頭嘅婚禮攝影服務😉。

佢地有兩位攝影師，一位係Jason自己，負責影相；另一位係Ivan，負責拍Video。佢哋個style比較輕鬆，影相個過程都好開心🥰。佢哋影相唔單止好有效率，而且佢哋本身都好有要求同諗法，亦都好清楚點樣影相會影得靚💪🏻，完全唔洗擔心佢哋影出嚟嘅成品質素💯。我好有印象Jason影咗一張好滿意嘅相嗰時，自己大叫咗一聲「Oh my god!」，睇得出佢真係好鐘意影相📸！我暫時睇咗廿幾張highlight相，全部都覺得好靚❤️，特別係「Oh my god!」嗰張相，真係成個構圖都好特別😍～