我哋行婚展望咗幾間公司，但Show出嚟啲相版都吸引唔到我，唔係我想要嘅效果。直到睇到Luna Wedding ，覺得佢哋啲相影得好靚😍，就入去同佢哋啲同事傾完覺得幾好，就揀咗Luna Wedding！ 當我哋第一次同攝影師Paul見面，就覺得Paul好熟面口。之後醒起，我哋喺婚展同佢傾過計，當時佢仲講咗一句「得啦！你哋放心交比我，到時我跟啦」，我哋聽完都冇Prefer過真係佢跟，以為係客套說話。最後Paul真係講得出做得到👍🏻，負責我哋Big Day攝影，真係好驚喜🎉！

Paul係一個比較文靜嘅攝影師，佢會喺適當嘅時候講一啲說話可以帶動到氣氛。例如斟茶嗰陣，佢會講好多吉祥說話氹到長輩勁開心，特別係我老爺奶奶，佢哋好滿意！💯 試妝嗰陣，我已經對化妝師Kian好滿意，即刻Mark實咗佢🎉。Big Day當日，Kian幫我轉咗四五個造型，每一個我都非常鍾意❤️，完全係我想要嘅效果！當日個個親戚朋友都大讚造型好睇！🥰平時唔戴Con嘅我，為咗影相靚啲，Big Day我就戴咗Con。Kian都好貼心，前一日溫馨提示叫我帶眼藥水。但當日，我戴咗半日Con已經超唔舒服，諗住搵姊妹幫我滴眼藥水。我都未開聲，Kian已經留意到我對眼好乾，主動話幫我滴眼藥水，佢真係好專業😍，細心留意到新娘子嘅每個情況！

另外我都想讚下Luna Wedding 服裝部同事💯，佢哋每一位同事都好Helpful，好有耐性。我帶媽咪同奶奶上去試衫，佢哋都想揀多幾套嚟試，服裝部同事完全唔會催我哋走，仲叫我哋慢慢試，服務態度真係好好！🥳