我之前去婚展睇過唔同公司嘅product，覺得Luna Wedding個feel都OK啱自己😉。婚展當日Penny佢同我哋介紹咗佢哋嘅product，覺得佢講解得都清楚同埋nice❤️，唔會有種硬銷嘅感覺😁。我哋最後join咗佢哋big day加pre-wedding package，兩邊都包曬租衫化妝💪🏻。

我上過去兩次租衫，分別揀pre-wedding同big day嘅衫，pre-wedding租左兩、三套衫，big day就租咗兩套衫嚟迎賓、敬酒，另外仲有一套褂。上到去人唔多，佢哋喺一對一服務，環境都OK😊。我自己本身冇咩諗定想要咩款，都係上到去先揀，去到見到套套都好靚，都唔知揀邊套好🤩！有啲款我揀個時段冇嘅話，佢哋都會建議返一啲相類似嘅款俾我試😉。成個試衫過程都舒服，佢哋都會提點下我要注意嘅地方🥰。

Pre-wedding化妝師都幾細心，整個影相過程佢都會行嚟行去留意我使唔使補妝😏。佢轉妝好快，喺條街度整都唔會覺得好兀突。我自己本身對髮型冇咩所謂，所以交晒比佢決定😆。佢帶定咗好多頭飾比我揀，影出嚟我都滿意💯。而且佢比較開朗，會帶動到個氣氛高漲啲😉。Big day當日就係另一位化妝師，佢比較溫柔同細心，比到好多建議我，我March in個妝大家都話覺得靚🥰。

攝影師就兩日都係同一位，因為我自己唔係好識擺pose同表情，佢都會比好多建議我同教我點做，令到我可以放鬆啲，影出嚟啲相都自然啲😁。Pre-wedding啲相大家睇完都開心，影到我哋想要嗰種氣氛出嚟😍。Big day早拍晚播條片大家睇完都覺得感動😭，玩新郎嗰陣嗰種開心氣氛、講愛的宣言嘅感動、敬茶時長輩嘅反應，好多重點都有剪輯到出黎💯。