我上網見到The Clover嘅片，覺得婚禮有Live Band氣氛都幾好，又見唔少用家Comment都讚，所以同佢哋聯絡了解下，而溝通成個個程感覺都好良好🤗 ！當時我主要係同Kylie聯絡，佢真係好Helpful💕！我哋嘅要求佢都配合到，佢就好似一個朋友咁咩都好樂意幫手！ 我好記得當時都仲未落訂，仲傾緊Package嗰陣，我同Kylie講我自己都會上台唱歌，佢就即刻叫我錄想唱嗰首歌比佢聽下，佢會幫我Tune下Key，佢真係好好👍🏻！

我請Live Band，係冇請到主音，因為我邀請咗我朋友做唱主音。而宴會上唱嘅歌都係我哋自已揀嘅，當中有朋友想唱楊宗偉嘅「一次就好」送比我❤️，覺得歌詞好有意思，所以我就同樂隊Request咗呢首歌！我都明白如果樂隊成員一直有合作開，成員之間已經有晒默契，但由於今次主唱係我朋友，仲要我哋揀嘅歌亦都唔一定係熱門歌曲，所以我知道為咗今次表演，樂隊真係付出咗好多時間同心機💯，佢哋務求可以令到賓客睇到一個完美嘅表演🎉！最後，當然係個個親戚朋友都大讚佢哋好專業，氣氛好熱鬧！

最後，我真係好想大讚當晚嗰隊樂隊👍🏻！！我哋原本Rundown大約係10:00送客，到時樂隊表演就會結束可以走㗎啦。但當日Rundown Delay咗，樂隊落咗台之後見到啲賓客未走，知道我哋Delay咗，佢哋竟然主動上返台繼續表演，直到我哋送客！我哋真係超驚喜🥰，喺我哋完全冇要求下主動為我哋額外表演，令我哋有一個圓滿嘅婚禮，佢哋真係無得彈！👏🏻