我經朋友介紹認識到SA Wedding ，經了解後覺得價錢合理，服務態度又好，特別係Tramy同Nana🥰。未join之前問佢哋package嘅內容，佢哋都會好仔細回覆我，唔會隨便俾個price list叫我自己睇就算。仲有就算佢哋放咗工，佢哋都會回答我問題。最後我join左佢哋Pre Wedding嘅package，包咗服裝、化妝同攝影師🤗。

而且SA Wedding試衫嘅環境，完全係我心目中想要嗰種舒適嘅感覺，好似我細個睇電視電影，新娘子着好婚紗，喺簾後走出嚟俾老公睇穿着效果嘅感覺🤣。影Pre Wedding揀裙嗰陣，佢哋建議我可以試下揀平時少着嗰啲款式風格，因為最終仲可以修圖，叫我唔使太擔憂😝。結果，我同我先生都好滿意所揀嘅婚紗同晚裝，佢覺得SA Wedding嘅晚裝着到我好溫柔😂。

我想讚下SA Wedding啲團隊應變能力都幾快👍🏻。其實我拍攝嗰日撞正八號風球。嗰陣時先去到石澳，啲風吹到我企都企唔穩，不過化妝師同攝影師都好好人🥰，佢哋都有問我會想點樣安排，然後會再搵一啲冇咁大風嘅位置，幫我哋再影幾張相，跟住佢哋建議去赤柱嗰邊影相，果然赤柱嗰邊嘅風又真係好正常🤩，令我哋可以順利影到相😆。攝影師Max好親切👏🏻，本身我哋都唔係擅長對住鏡頭笑嘅人，但係佢俾我嘅感覺係可以玩住咁樣影，影出嚟會比較自然。

化妝師Elke都超好，本身我嘅眼皮係比較難化，佢幫我痴雙眼皮貼整咗好耐，令我感受到佢嘅用心❤️，幫我化一個最好睇，最適合我嘅眼妝💯。我最喜歡佢化得靚之餘又唔會失去咗我本身有嘅特色😘。嗰日嘅妝真係靚到我未正式影相，已經自拍咗幾張😂。仲有，Elke set頭又快手又靚，佢會根據拍攝場合同埋婚紗set唔同嘅造型，set出嚟嘅頭好穩陣，冇俾八號風球吹到好似癲婆咁🤣，例如喺舂坎角影魚尾款婚紗嘅時候佢幫我紮咗一個髻，成個效果好唯美😻。而家我都覺得有啲可惜big day唔係搵佢幫我化添🙈。

即使當日天氣不似預期，但我哋都影到package包嘅所有嘢，仲要冇超時，之後仲可以去食飯添🥳。佢哋經驗真係好豐富，將時間控制得剛剛好🎉！