因為The Arca 近我屋企，有新娘房，活動空間闊落啲😻，價錢又適合，而最重要嘅係有dance floor，又有射燈提供，呢兩點真係令我覺得好surprise🤩。而且The Arca嘅服務態度好好，成日都會企係我嘅角度為我考慮🥰。其中Hayley真係幫咗我好多，主要係佢同我傾rundown🤗。而經理Eric主要幫我處理一啲硬件上嘅問題，例如我喺開會嘅時候講想要long table，經理Eric可以即刻畫晒所有嘅圖俾我睇，又可以即時講到唔同枱嘅長度可唔可以擺到係場地，佢真係好有經驗同好專業👍🏻。

同其他酒店相比，The Arca更能夠配合到我要求😍，即使我有啲要求佢哋配合唔到，但啲staff都會講清楚原因😚。另外，The Arca處理手法俾人嘅感覺係更加flexible，例如我有好多朋友都好鍾意跳舞，嗰陣佢哋飲醉咗，令到有啲delay，但係The Arca嗰邊都冇乜所謂🤩，甚至我提出想唔要package入面嘅旅遊巴，佢哋就會建議提供更多小食作交換，令我感受到佢哋真係好為我着想，為我減輕負擔😚。同埋佢啲嘢食真係意料之外地好食，每一樣嘢都好好食👍🏻，我啲friend都同我講話啲嘢好食，真係秒清🤣！

雖然The Arca冇DJ equipment，我要喺出面自己再搵過，不過啲佢哋Staff都會幫手搬，而且佢哋願意早啲俾場我去set好晒所有嘢，令我無後顧之憂👏🏻。場地景觀縱使唔係最靚，但係佢嘅設備令到我同我嘅朋友都玩得好開心，有長枱方便我哋玩遊戲，又有dance floor俾我啲朋友盡情跳，我甚至有朋友話好想照抄我呢個模式搞婚禮🤣🤣。如果大家都想搞一個玩味重啲嘅Wedding，The Arca係不二之選🥳！