我哋行婚紗展嘅時候，見梁品製作擺booth，就去了解一下。佢哋職員都好詳細咁介紹package內容。之後我哋行再比較咗幾個攤位，最後都係覺得梁品製作嘅設計比較靚🥳，係我鍾意嘅風格，作品感覺立體啲，我覺得呢一個點唔係太多公司可以做到，所以我哋就揀咗梁品製作🤩。

之後我哋就約開會時間，直接見面溝通，傾下我哋嘅要求同需要，再講解下收費。老實講，我覺得我今次想要嘅backdrop都幾天馬行空😂，因為我哋都鍾意熊仔，所以想用熊仔🐻婚禮主題。

開會嘅時候，我哋講完自己嘅諗法，梁品製作就會用佢哋專業嘅角度再俾意見😻。例如我想整嘅主題係熊仔，佢會同我詳細咁講返隻熊仔整出嚟會係點樣立體😆，可能會係個鼻凸出來之類。聽完我哋初步嘅諗法，佢哋已經可以整到一個草圖出嚟俾我哋睇，然後再討論再修改。我覺得佢哋呢種溝通方式幾好💕，令我哋可以更清楚每一個細節係點樣呈現。而且我哋想個婚禮顏色係紅色，感覺喜慶啲，梁品製作嘅設計都有幫我做到呢個效果👍🏻。當中，我感受到梁品製作嘅設計師嘅專業同用心，佢哋第一次出draft已經係接近我哋想要嘅效果👏🏻。另外，我哋婚禮嘅logo、回禮logo都係有熊仔，呢啲設計我哋全部都係交晒俾梁品製作幫我搞🥰。婚禮當日backdrop係一個好大立體嘅熊仔，好多親戚朋友都對我哋嘅主題佈置讚不絕口🥳，我哋都非常滿意，效果完全就係我哋想要嘅嘢😍。