梁品製作係我朋友推薦，亦都係我比較咗幾間之後選擇手出嚟嘅👍🏻！因為當初詢問幾間公司嘅時候，梁品製作係覆得最快，最有效率。而且佢哋嘅態度比起其他公司更加積極😆。一開始，佢哋同事Suet同Sabrina會先了解我哋嘅婚期，想要嘅形式同要求，之後佢都會有幾個唔同package俾我哋選擇，令我哋覺得可選性更高。同埋，同佢哋溝通都好舒服，佢哋服務態度好好，所以就選擇咗梁品製作。之後，無論我幾時WhatsApp佢哋，佢哋都會好快回覆，我覺得佢哋做事好有交帶🤩。

佢哋仲好熱情咁邀請我哋上去佢哋Office傾，而且每次當面傾嘅時候，梁品製作都準備得好充足😻。佢哋超細心，除咗會應我嘅要求篩選一啲之前做過嘅draft俾我睇，仲會俾佢哋之前有喺我婚禮場地做過嘅design我參考，跟住就會俾幾個方案我哋選擇，做嘢好有效率🎉！

不過喺疫情呢三年，婚禮嘅好多嘢都改變緊。基於防疫政策，我由喺酒樓搞中式婚禮變咗喺戶外草地搞西式婚禮。所以，梁品製作之前整好嘅design而家都要由頭再設計過，但梁品製作真係好好🙏🏻，明明好多嘢已經準備好晒，而家要從頭再嚟過，但佢哋完全冇話要收額外嘅改期費👍🏻，反而好有人情味咁同我哋講：「唔緊要，我哋可以重新design」，我哋真係覺得好窩心❤️。甚至連而家呢個場地都係梁品製作推薦俾我哋，因為佢哋之前有去過set嘢，覺得唔錯又符合到我哋嘅要求，所以推薦俾我哋🥰。

Big day當日，場地俾set嘢嘅時間唔算好多，但我哋又有好多嘢要set。但佢哋嘅師傅真係好專業，超快完成全場setting，仲要還原度好似，真係超級犀利🤩。出嚟嘅效果，梗係冇得頂啦😆。我嘅婚禮都完咗幾個月，我仲不停收到親戚朋友讚我嘅婚禮真係搞得好靚👏🏻，仲有好多將要結婚嘅朋友都嚟問我係搵邊間公司搞嘅。

總括嚟講，梁品製作無論係服務態度定係作品效果方面都係超出預期，十分滿意🤗！我哋一次又一次嘅改期，佢哋都願意等，我真係好慶幸，我哋揀到梁品製作呢間公司💯💯。