我上網見到梁品製作之前整過嘅backdrop都係比較大型，我覺得效果都幾靚🤩。而我想整嘅效果又驚普通嘅公司整唔到，因為我想整backdrop係一個立體屋仔嘅形狀。我試過問過唔同場地佈置公司，有啲會直接同我講做唔到，有一間講明價錢會好貴，而且仲唔可以100%做到我想要嘅效果😅。直到我見到梁品製作嘅design都幾符合我嘅心水，所以搵佢哋了解，而佢哋都表示好肯定嘅態度，話佢哋可以做到我想要嘅效果，所以我就揀咗梁品製作👍🏻。

梁品製作係唯一一間好自信地講佢哋會做到我想要嘅效果，甚至個design可以幫我無限次改😻，改到我OK為止，而且價錢仲好合理，又唔會有額外收費，佢哋嘅態度比到好大信心我💕，而且啲職員都好有禮貌同好盡心💯。佢哋一開始比我嘅draft我都已經好滿意，只係花嘅顏色我一直都揀唔到，之後我又不斷改變花嘅顏色，佢哋都不厭其煩咁樣serve我，仲要無論幾夜都會覆我message👏🏻。同埋佢哋都會俾好多唔同意見我，亦會好尊重我嘅意見，例如我揀咗一隻藍色嘅花，佢哋會提出可能長輩唔太鍾意藍色嘅花，雖然佢哋係咁樣諗，但佢哋都會整一個draft俾我睇咗先，感受到佢哋係以我嘅諗法為先🥳。

婚禮當日，佢哋set嘢都好快，喺婚禮開始之前已經準備好晒，靚到我都迫不及待喺婚禮前影多幾張相先😂。因為佢哋整出嚟嘅效果係同draft exactly the same🤩。我啲親戚朋友都大讚好靚，不停影相。而且我呢個backdrop特別在於喺屋仔後面有大燈泡，夜晚影出嚟嘅效果又可以係另一種感覺，我真係覺得好靚，好滿意❤️！