我之前上網搵MC嘅時候都有比較過幾個MC，最後見到大家對MC Billy嘅評語都OK😊，佢價錢又合理，之後就透過WhatsApp同佢聯絡。因為疫情，我哋之後一直都係WhatsApp溝通，傾成個婚禮流程同埋細節位，其實都幾方便🥳。當中，MC Billy會send一啲rundown俾我哋參考，而我哋亦會將編排好嘅rundown俾佢睇，佢就會同我哋提出一啲佢自己嘅見解，仲會同我哋分享佢以往嘅經驗，話俾我哋知點樣可以編排得更好👍🏻。佢真係比到好多意見我哋，好幫得手😍。直到big day當日我哋先第一次見面。

婚禮當日，MC Billy準時到達😚。佢hold成個婚禮都表現得幾好，講嘢簡潔清晰，令成個流程都好smooth👏🏻。因為午宴當日嘅流程都比較緊湊，所以我哋都比較着緊時間上嘅control。但MC Billy將時間控制得好好，要做嘅嘢都全部完成到，亦會順着我哋嘅時間同步驟落去🥳。喺MC Billy嘅安排同主持下，我哋都可以好安心咁enjoy婚禮。到完咗婚禮之後，都有朋友問返我哋喺邊度搵到MC Billy，覺得佢唔錯🤩。