我哋本身冇打算搵Wedding planner，但見到Palette Co.有一個package係包planner加MC，加上價錢合理，我哋覺得好吸引😍，所以就揀咗Palette Co.。我哋婚禮係由Charmaine follow up，佢嘅服務超好👍🏻。當中，我哋約過一次出嚟見面。當時Charmaine問我哋拎晒落訂咗嘅嗰啲資料，又問我哋去到邊個Step，所以我哋嗰日都傾咗好耐，佢一直都好有耐性，又好細心咁同我哋慢慢傾🥰。

而我哋交低啲嘢俾Charmaine跟，之後我哋就唔使再理啲乜嘢，例如rundown都係佢哋傾好晒，仲有利是要準備幾多封，都係佢哋比意見我哋🤗。佢哋又會喺zoom見晒我哋嘅兄弟姊妹，俾rundown佢哋，有Palette Co.，我哋真係完全係零擔心🤣，輕鬆好多。

婚禮當日，Charmaine同兩個同事一齊負責幫我哋，一位係助手，另外一位係負責同我嘅姊妹一齊處理我嘅金器同埋飾物上嘅打理，所有細微位都做得好好👍🏻。另外，Charmaine仲同我哋場地嘅經理溝通得好好，令當日整個流程都好順暢🤩。我覺得Charmaine嘅應變能力都好強，由於當日賓客人數有調整，佢都可以即刻幫我同酒店嗰邊嘅人溝通，加多張枱，迅速解決問題💯。其中令我最窩心係，Charmaine除咗會幫我去拎裙，我結完婚佢仲會幫我還裙，令我覺得唔係婚禮完咗就完咗，婚禮完咗佢都仲俾到服務我哋，讚👍🏻！至於MC方面，我覺Palette Co.嘅MC都好唔錯👏🏻，佢哋會事先問吓我哋嘅相識經過，仲會問我哋有冇海外返嚟嘅親友，可以了解多啲方便MC準備稿。而當日嘅MC Potter好OK，好得體，四大長老都好滿意💕，因為我呢邊長輩比較多，佢嘅表現大大方方，令大家都好滿意😊。

所以無論係我哋定係我啲兄弟姊妹，完咗個婚禮都唔會話好攰，因為我哋所有嘢都交晒比Palette Co.，有佢哋幫手安排好晒所有嘢，我哋好放心❤️。我哋甚至喺婚禮第二日仲去咗迪士尼玩添😂。