我上網搵香水公司嘅時候見到SOVOS，見大家對佢嘅評價都唔錯，而且之前都有聽老婆嘅朋友話有用過佢嘅服務，所以對SOVOS嘅印象都幾好🤩。我哋一開始係用WhatsApp同SOVOS聯絡，Moses好清晰地介紹package👍🏻，之後我哋就約時間上去鋪頭。當時Moses細心又詳細咁介紹香水，見到佢咁helpful，我哋都即時決定咗用SOVOS嘅服務，最後我哋join咗整回禮禮物同perfume bar。

之後，Moses叫我同老婆為perfume bar 一人揀一種味做基底香味🥳。揀香水嘅時候，我哋一開始都冇咩頭緒，因為有太多味道選擇😆。但係Moses嘅講解同幫助下，我哋都好快咁揀到自己鍾意嘅香味。成個過程中，我哋有任何問題，Moses都可以好快俾到Feedback我哋，佢真係好幫得手，我哋都好滿意佢嘅服務💯。

至於我哋嘅回禮禮物係揀咗消毒噴霧，因為我老婆對當中嘅白蘭花味十分喜歡💕，所以好快就決定咗味道，總括嚟講我哋都覺得SOVOS嘅香水味好合我哋心意🥰。本身我哋嘅package會包埋消毒噴霧瓶身外嘅sticker，但因為我自己搵咗朋友畫sticker，所以冇用到SOVOS提供個啲，但最後朋友畫嘅圖比例同瓶身唔係好啱。之後SOVOS嘅設計師都好主動幫我哋解決呢個問題，真係好helpful👍🏻，亦都好有效率。婚禮當日，雖然我哋都好忙，但我哋每次望到perfume bar，都會見到嗰邊人頭湧湧，親戚朋友都好熱衷咁揀緊自己鍾意嘅香水味道🤣，大家覺得好有趣。婚禮之後，好多親戚朋友都話白蘭花味消毒噴霧好香，問我哋仲有冇，最後我哋當然建議同推薦佢哋去SOVOS買啦😂！