S.A. Wedding
4.6

客戶評語

carpediem1539
5
精選評語
服務 / 婚宴日期: 2023.03.09
我哋準備緊婚禮時都仲係好迷惘,所以我哋去行婚展再睇一睇先😉,咁經過見到S.A.Wedding嘅booth特別多人,咁我哋就入去佢哋個Booth了解,跟著我哋就拿咗佢哋StaffBowie嘅WhatsApp聯絡方式同Leaflet返屋企再研究下先😆。我哋仲係婚享會網站到睇下S.A.Wedding嘅評語...

我哋準備緊婚禮時都仲係好迷惘,所以我哋去行婚展再睇一睇先😉,咁經過見到S.A. Wedding嘅booth特別多人,咁我哋就入去佢哋個Booth了解,跟著我哋就拿咗佢哋Staff Bowie嘅WhatsApp聯絡方式同Leaflet返屋企再研究下先😆。我哋仲係婚享會網站到睇下S.A. Wedding嘅評語又ok👍,所以約上去佢哋Studio再同Bowie傾下Package嘅野。Bowie服務真係好好😍,我哋有咩需要查詢佢都會一一回答,又好清楚我哋作為新人有啲乜嘢concern,仲要好識搞笑😂,感覺我哋好似同齡朋友傾偈一樣,唔會有代溝,Bowie嘅服務真係好好👍同專業💯,所以我哋最後join左四個鐘頭studio+四個鐘頭外景嘅Pre Wedding package,Package仲包埋化妝同租衫,包咗三條裙同兩套男裝,我哋仲可以各自帶一套便服去影Pre-Wedding㗎🤩!

Join咗 Package之後,試衫同售後服務都係Bowie同我哋跟進💓,Bowie跟得好足同十分清楚我哋嘅需要😊,有啲乜嘢顧慮同Bowie講就得,佢會幫我哋向其他staff表達🥰。上去Studio試衫時,雖然S.A. Wedding一直有好多客人,但環境光猛又乾淨,試衫都試得舒服啲😉,同埋佢哋啲衫都keep得好新同乾淨💗。我哋仲覺得S.A. Wedding幾多款式可以揀,唔使加錢嘅款式已經好靚❤️,不過加咗錢嘅款式更令人心動💓,所以我都覺得價錢好合理😄。另外,fitting嘅姐姐仲好有禮貌同埋認真對待我哋💯,有唔合身嘅位會幫我哋量同改返😉,Bowie都會一直陪住我同協助我着裙,所以我最後都有upgrade咗兩條裙🥰。而男士嘅款式都有好好睇嘅款式,男裝部嘅staff同樣以認真嘅態度對待試衫嘅客人,個個都好helpful👍。

拍攝前,S.A. Wedding嘅staff 事前功夫會準備好哂所有嘅嘢😍,仲會send個email提醒啲特別事項,例如要帶啲乜嘢、拍攝前一日洗頭唔好用護髮素等等💪。就算我哋睇唔到個email,佢哋都會喺WhatsApp group不厭其煩地再提我哋一次,真係好用心同細心😍,所有嘢都會跟到好足💯。

而拍攝當日,雖然係第一次見化妝師Elke,但佢畫出嚟嘅妝我都好滿意😍,有一拍即合嘅感覺。化妝之前,佢會先了解我平時嘅化妝習慣,知道我平時比較少化妝,便會講解佢接下來會點樣化😁,話我知就算化得偏濃都係為咗上鏡嘅效果,我覺得佢會同我事前討論呢一點,令我覺得好安心❤️。而且佢幫我化妝嘅時候態度專業,會用好長時間幫我畫眉同化眼妝,而且務求化到左右兩邊都係平衡嘅,真係好好呀🥰。拍攝過程佢都會一直跟住我哋,方便幫我補妝同set頭。後來我發現我可以遇到Elke真係一件好幸運嘅事😄~! 

幫我哋拍攝嘅Max係一個好Funny嘅攝影師,而Max同佢嘅助手嘅互動都特別有趣😆,所以成個影相過程好輕鬆,Max會不停講笑氹我哋開心😁,我哋所有相都係笑住咁樣影,影出嚟嘅效果我哋都笑得好自然👍。而且我哋仲感受到佢影得好熟手📸,會教我哋點樣放鬆同擺姿勢,然後影嘅時候會就一個角度影得我哋好好睇💓。喺搭車嘅時候,佢都會俾佢部相機我哋,去預覽下啲相影出嚟嘅效果係點樣😁。本身會諗拍pre wedding嗰日會好辛苦。但喺我哋拍攝結束後,我哋都冇話覺得特別攰,快樂不知時日過😊,真係感謝當日佢哋周全嘅照顧🙏🏻。

S.A. Wedding佢哋做嘢仲好有效率👍,我哋兩至三個禮拜後已經可以睇相,而家已經係揀相嘅階段㖭,真係超快😍!而且啲相唔使P已經覺得好靚,啲相嘅色Tone又剛剛好💯,對於只可以揀30張真係好困難啊,張張都好想要🤣。

好高興可以無論係試衫或拍攝等等各方面,都可以協助你哋完成Pre-Wedding Shooting 呢個重要嘅時刻!😉我哋會繼續Keep住呢個服務,為每一對新人提供優質優美嘅結婚相💪!係呢度再一次祝福你哋新婚快樂,幸福美滿!😊!