我哋係Bespoke Wedding平台搵到The Clover 😁，見佢哋攞咗Bespoke嘅Best Wedding Award獎項🏆，又係YouTube片見佢哋表演中英文歌都唔錯😉同埋主音唱得幾好👍，價錢仲比其他公司中肯，所以就揀咗The Clover作為我哋婚禮Band🥰。另外，我哋其實最主要想搵Live Band原因係因為我哋好想要一個特別嘅婚禮😆，而且我老婆本身又好鐘意聽Live Band🎸，所以就想搵Live Band作為我哋一個小小心意嘅禮物送俾我哋嘅賓客❤️。

我哋通常用WhatsApp同佢哋聯絡，佢哋回覆關於Package同揀歌方面等等都幾快同清晰👍。 The Clover成條Team都好professional💯，事前會有briefing俾我哋，又會主動同迪士尼嗰邊夾做中間人😉，令我哋好順利完整成個流程👍 ！因為迪士尼對表演歌曲方面比較嚴謹，需要事前整一個list俾迪士尼睇過合適先可以表演，而The Clover主動直接幫我哋同迪士尼嗰邊溝通，令我哋可以減輕我哋籌備嘅工作😁。

婚禮當日，主音唱得好好聽💓，同YouTube片嘅一模一樣，完全冇令我哋失望😁。The Clover仲有一個喜出望外嘅表演，我當時揀咗首日文歌，因為嗰首歌同我老婆有特別嘅回憶💗，我哋估The Clover應該冇人識唱日文歌，點知佢哋唱出嚟嘅日文都好正確😆，真係好多謝佢哋花時間去練呢首歌😍。

我哋嘅屋企人同朋友都好appreciate佢哋製造嘅氣氛🥰，一啲賓客仲每次聽完一首歌都會拍手鼓勵👏🏻。事後有朋友好滿意The Clover 嘅表現，想有機會都搵佢哋幫手，問我關於佢哋嘅價錢同Contact方式呀😆！