起初我同我老婆想搵一啲特別啲，好玩啲，又可以代表到我哋兩個嘅回禮禮物，突然就醒起之前去婚展嘅時候SOVOS俾枝酒精噴霧嘅sample我哋，當時我哋同朋友覺得都幾香，又唔會好重酒精味，白茶花味又好特別😍，所以嗰陣時已經對SOVOS有深刻嘅印象。加上我同老婆都好鍾意香水，所以我哋就直接咗去佢哋門市了解。當時係Moses接待我哋，佢好詳細咁介紹package，又有介紹到佢哋公司同好多明星合作過，另外香味仲可以自己揀，令我覺得SOVOS都幾特別，所以我哋即時join咗回禮package🎁。

我哋仲當日揀埋香味，揀嘅過程都好smooth🤗。最後，係勁多香味之中，我揀咗一款鍾意嘅味道代表我自己，我老婆揀咗一款代表佢，另外仲一個係兩種味道mix一齊代表我哋婚禮。之後，我哋就係WhatsApp繼續溝通，例如最後確認賓客人數，仲有香水同酒精噴霧嘅比例，因為兩款我都好鍾意，所以我都揀咗好耐，好難揀😂。至於其他細節，Moses一直都好幫手，我哋全權交咗比佢搞👍🏻！

禮婚當日SOVOS都好準時，好有效率，喺我哋到晚宴場地之前，佢哋已經setup好晒所有嘢，個booth好靚，效果同我expect嘅一樣💯。而香水bar都好熱鬧，亦都好順利。本身我哋都驚有好多朋友唔鍾意香水，點知原來係好多人鍾意，最後啲香水冇晒😂。婚禮完咗成個月，我哋啲朋友都仲係討論緊佢哋調配嘅白蘭花味香水🤪，大家都好鍾意，而且佢哋都覺得呢份回禮禮物好代表到我同我老婆，聞到香水味道就諗起我哋😆。