我睇婚展嘅時候正值疫情，覺得SOVOS特別符合我哋嗰陣嘅需求，有消毒嘅作用，又有實用性👍🏻。同埋，我都幾認同佢哋嘅銷售理念💡，以個性化嘅設計同香味去表達新人嘅性格。嗰陣時同我哋講解package嘅staff好熱心，亦冇hard sell嘅感覺，俾咗好多唔同嘅味我哋試，又會講吓係婚展join package有咩優惠，最後仲俾咗一支細香水我哋試下，俾我哋考慮清楚再做決定，好貼心💯。最後，我就join咗香水bar嘅package。

佢哋事前準備嘅流程安排比較彈性😙，例如揀香水嘅時候，佢哋嘅staff會提出一啲有用嘅建議，再結合我哋嘅個人喜好去自由選擇返鍾意嘅配搭😍，好體現到佢哋公司嘅理念。試香水嗰日，我覺得佢哋嘅香水偏向草本精油嘅味道🍃，係我鍾意嘅自然芳香，唔會太俗。Big day當日，有兩位staff負責香水吧幫客人調香水，雖然我嗰日好忙，但都有抽空去整咗一支香水🤣，整體嘅服務態度都幾nice。我啲親朋戚友都覺得呢一個體驗好好玩，亦都好特別，有啲嘢玩嘅感覺係唔同😄，特別熱鬧。