我喺網上見到SOVOS過往搞嘅booth都幾靚，簡約得來又高級😍，風格都好符合我哋嘅婚禮場地。見到啱心水，我就即刻去搵佢哋了解。之後聯絡咗佢哋嘅負責人Moses，佢問咗少少我哋big day嘅資料，就send啲package俾我哋睇。Moses經驗豐富，佢會按照我哋出席人數推薦package，又會好細心咁同我哋講解所有嘢。佢仲會好主動叫我哋上去門市試下啲sample再作決定，唔會hard sell 👍🏻。我哋喺門市試過後，覺得都fulfill到我哋想要嘅效果，所以就join咗SOVOS嘅香水bar。

而SOVOS嘅服務好好😙，Moses會好願意遷就我哋嘅時間，我哋就算收工上去，都幾晏，佢都OK😆。我哋上去試sample嗰陣，佢先俾咗啲香味我哋試下，又會詳細講解，仲會好有耐性咁介紹成個booth係會點樣擺法，聽佢講解嘅過程都好舒服🥰。到我哋第二次上去揀香味，因為選擇都好多，我哋覺得每一隻都好香，所以一開始都無從入手，好彩Moses會lead住我哋，將香味分類好再逐一講解，最後幫我哋揀到自己想要嘅味道😆👍🏻。另外，Moses服務真係好貼心，佢會問吓我哋揀呢啲味嘅原因，睇吓會唔會同我哋嘅愛情故事有關連，會就住我哋揀好嘅香水賦予故事性，然後俾當日嘅staff同客人講吓故仔咁，幫我哋講述一個屬於我哋嘅愛情小故事，增加互動性🥳。

雖然Big day嗰日我忙到行唔開🤣，不過我每次路過香水bar嗰陣都見到好多人玩，而且好多親戚朋友都大讚啲香水好特別。最後，所有香水都派晒，大受歡迎👏🏻，見到大家咁踴躍我哋都好開心🙈。