去婚展行咗幾間攝影公司，都唔太鍾意佢哋嘅風格，同埋我同未婚妻都唔太鍾意好chur嘅sales，但Arlene Wedding就唔會咁，加上我覺得幾好嘅係有攝影師係booth到同客人溝通，俾我哋清晰知道到時要做啲乜😉。由於我哋想去歐洲影prewedding，就同負責影歐洲嘅攝影師壽師傅傾咗陣，仲同sales Leo傾咗好耐。之後我哋訂完一個禮拜左右，佢哋就叫我哋上去studio傾下細節，好有效率👍🏻。佢哋仲會係group到比好多唔同意見，如果我靠晒自己都驚容易炒車，但以佢哋豐富經驗嚟安排就安心好多🤗。

首先，我哋喺香港影咗三個鐘本地prewedding就當係簡單rehearsal下🤣。當日我哋去咗山頂公園影相，攝影師bobby一開始比較靜，不過慢慢就開始熟落，大家都玩得好開心。佢會做示範教我哋擺pose，講笑話引我哋笑，同埋攝影助手阿Chu都好幫得手，佢哋都好好人👍🏻。

飛之前，我哋上去Arlene Wedding studio試咗衫，款式都多。負責跟進我哋嘅Zoe真係好幫得手💯，佢幫我哋約時間試衫，仲攞咗好多款keep住比我哋試，又冇限時間，揀新款都唔洗加錢。我哋一共去咗兩次試衫，同個到嘅職員已經玩得好熟🤣，而化妝師Karman都會陪我哋一齊揀衫，俾咗好多意見。我太太都覺得佢哋服務好好，試咗三四個鐘，就算有其他客佢哋都唔會忽略我哋🥰。

去到布拉格，係壽師傅幫我哋影prewedding，影之前為咗做到最佳嘅效果，佢就建議我哋平日影。壽師傅好熟路，事前有同我哋講咗會點安排😚。當日好好彩附近無咩人，天氣都陽光普照，影出嚟好自然😍。而台灣嘅化妝師Erica化妝偏向小清新，幫我哋化咗自然淡妝，都幾滿意。去到布拉格廣場，咁啱遇到自然光💫，壽師傅好識捕捉啲光線，冇打燈影出嚟效果一樣好靚。我想特別讚一讚壽師傅，佢係布拉格幫我哋影相嗰日背囊咩住好多設備，但一句攰都冇講過，真係好專業🙏🏻！佢做嘢好仔細，影相嗰陣會叫化妝師幫我哋執下個樣；又會提早叫同事過去霸住影相位，團隊合作都好好😃。壽師傅幫我哋影完相，仲會同我哋介紹當地有咩好玩好食，返咗香港同團隊佢哋好似朋友咁仲keep contact，佢哋有時間都會覆返我哋，好friendly。雖然後期執相時出現咗有少少情況，但同佢哋反映咗之後，佢哋都有立即跟進。我哋覺得布拉格嗰輯相比香港影個嘅更自然，因為香港嗰次係我哋係第一次影所以表情僵硬啲，雖然bobby已經教曬我哋點擺pose，但我哋始終都有少少緊張，但我哋去布拉格影個陣就熟練啲，所以效果好啲🤣。

我哋影完曬相覺得滿意，加上Arlene Wedding價錢又好合理，所以就join埋big day租衫🤗。我哋再上去試咗七個鐘，Zoe幫我哋hold起鍾意嘅款，Karman就以化妝師角度提供意見，我哋試咁耐佢哋就陪足我哋咁耐😚，佢哋每一位同事做嘢好有耐性，態度都好積極，抵讚！