我係網上搵婚紗果陣搵到Lafemme Bridal，覺得佢哋價錢比較好，而且有真實用戶嘅相，唔係只係model相。🤓我見啲新人著嗰啲衫都係我鍾意嗰啲類型，就約咗時間上去試衫。佢哋啲衫好多，同埋佢哋人都好Nice，我試過嗰幾件嗰啲款都好新淨， keep得好好。👍🏻

我join咗佢哋6件衫嘅package，租咗一對褂、2套婚紗、1條紅色裙同埋1套黑色男裝march in禮服。我哋第一次試衫只係book咗一個鐘，時間唔夠，但係佢哋其實都冇限試幾件。我試過另一間舖頭book咗時間就限住只可以試三件，佢哋就冇限件數，係以時間計，呢樣好好。👍🏻👍🏻 第一次只係揀到婚紗，之後上去再去就揀埋其他。 男裝少款啲，但女裝就好多款揀。Join咗package之後可以喺Final fit之前無限任試任改款。😘我覺得呢樣嘢真係好好，出面其他公司未必做到呢一樣嘢。我都問佢哋點解咁好，佢哋就話將心比己都希望可以比到新人多啲款式嘅選擇。🧡所以試完衫之後我都有繼續留意佢哋。如果有新款，佢哋就會post外國model相寫住coming soon，可以再問佢哋big day前到貨未。

💯有一樣嘢好值得讚嘅係Vegas同Bell佢哋眼光好好！佢哋會就住我嘅身材推介返邊啲款會比較合適我。👍🏻 我大約上咗去三次，但係其實無論我最後再上去幾多次，我結果最後都係揀佢推介俾我嗰啲款。我揀咗嗰條march in閃閃裙，大家都話好靚，我自己都覺得好啱我自己！ 🥰佢哋有包埋頭飾、頭紗、耳環同煲呔等等，我唔知係咪因為我揀七月頭結婚比較淡季，好多款都可以無限件數借俾我，都好貼心，唔會計住計住。就算我只係租咗一套男裝禮服，佢哋都冇話只係可以借一個煲呔俾我，都比我借幾款去襯。其實化妝師都有提供啲頭飾俾我，但係我都借咗好多，諗住到時睇吓邊款襯，多啲選擇。佢哋還衫時期比較長，好似7日內，都俾到啲空間我哋慢慢處理，唔使第二日好攰就趕頭趕命去還嘢。

最後想講佢哋真係好friendly .. 💛佢哋有message嚟提我過交婚紗啲deposit，但我自己又忙唔記得咗，後來到big day化緊妝嗰刻先記起未過數！之後佢哋都話將會還衫、就叫我小心啲用，唔使忙住再去過數。我覺得真係有啲對佢哋唔住！佢哋真係好好人，好貼心，不過我要提大家千祈唔好學我咁忘記交deposit，唔好濫用好人嘅信任！好多謝佢哋！🥰