我結婚諗住搵戶外地方，而自己見過其他人結婚嘅相，好似嚟嚟去去都係嗰幾間，直到上網見到The Vow 係一間比較新嘅公司，所以就想試吓🤩。 我去咗佢哋嘅Open Day，睇到之後其實都幾滿意。The Vow場地係對住海，所以真係好靚💖，同埋有個假草地，後面仲有一排凳，感覺就係比較relax。去之前我先生驚我衝動未諗就落訂，所以就叫我唔好咁快做決定，點知最後係佢睇完之後都覺得好滿意，之後我哋都冇睇過其他公司，因為我同先生都一致決定揀The Vow🤣。之後The Vow都有同我哋開個WhatsApp group嚟溝通，臨近Big Day 都有聯繫得密啲。

The Vow同事叫我哋揀下啲裝飾，睇吓會唔會想要特別啲嘅。而本身package就包幾款Standard嘅，但我上網見到有啲款好鍾意，咁我就問佢哋可唔可以整星星燈吊落嚟嘅款，但係呢個款就唔包要加錢，但係The Vow嘅同事好好，都有幫我哋做到想要嘅效果，當晚嘅佈置我係非常滿意，佈置得好靚😍。同埋，佢哋嘅服務態度好nice，好有禮貌，好helpful。 過程中，我都會問可唔可以加啲新嘢落去，佢哋都會幫我問吓做唔做到，盡量都想滿足我嘅要求👍🏻。

Big Day 嗰日有一個同事專門照顧我，佢真係好貼心❤️，成日都驚我肚餓，會問我飲唔飲水，又會提我差唔多時間換衫。如果有人搵我影相嘅話，佢都好有禮貌，唔會硬要扯我去換衫，會等我影完相先或者整頭先帶我去換， 唔會令我有壓力😙。我覺得The Vow同事嘅應變能力都好強，因為當晚我有條片想播，但係事前唔記得咗同佢哋講，搞到佢哋臨急臨忙搵張枱，再搵電腦播出嚟，最後係佢哋嘅協助下都好smooth咁完成咗件事，都冇影響到之後嘅流程🤗。

我嗰日好想玩仙女棒，但係假草地上唔玩得，但係最後The Vow都滿足到我呢個要求🥰。雖然唔可以喺草地上面玩，但The Vow有一個平台，我哋可以喺上面玩，所以我啲兄弟姊妹揸住仙女棒去迎接我哋入嚟，呢個位影相真係好靚🥳。 其實我亦都係因為想玩仙女棒，所以一開始就想揀咗戶外嘅地方。因為我覺得咁樣會特別啲，冇以前去飲嗰種普通平凡嘅感覺，夜晚就更加浪漫💝。我先生由頭到尾都覺得好滿意，當日嘅佈置同場地全部都係我預想中想要嘅嘢， 好開心當日都冇落雨或者打風，可以順利完成Big Day。