搵Big Day攝影公司嘅時候係上網嗰度搵，同埋睇咗啲評語，見到Jason Pang Gallery都幾出名🥰。之前係搵呢啲攝影公司果陣，雖然都見到有好多唔同類型攝影公司，😊不過Jason Pang Gallery 嘅感覺比我覺得佢哋冇咁商業化，睇左啲作品相覺得好岩心意，所以我就決定揀佢地。😎之後就有約zoom同埋傾電話去聯絡， 一直同我聯絡都係Jason本人， 我覺得佢係一個好friendly嘅人💓，同佢相處同埋傾野都好舒服。

Jason好詳細介紹左好多婚禮嘅事情比我了解更多野。因為我先生係一個英國人，所以我哋果個婚禮係一個英國傳統婚禮，啲流程會同香港唔一樣，接新娘之後會做返啲英式嘅流程，同埋我哋都有啲香港嘅傳統習俗係冇做，Jason Pang Gallery都好尊重我哋嘅諗法❣️，同埋我哋有好多野都唔知要注意，佢哋都會guide住我哋去做，一步步完成整個流程。

Big Day果日我覺得佢哋團隊好專業同埋做嘢好快。因為嗰日落大雨，好多嘢都延遲咗，好多狀況發生，但團隊都好配合我哋，就連食飯嗰啲嘢佢哋都係自己處理，配合度非常高💪🏻。 因為我個婚禮係outdoor，落雨就轉左啲裝飾，所以對攝影團隊黎講都可能要重新構思拍攝嘅方法，影相嗰度都會有啲變化，但係佢哋都好識應變，好厲害💯，影出嚟嘅相都一樣係好靚🤩好專業，我地睇完之後都好鐘意啲相。見到佢哋嘅應變能力同埋專業程度咁高，真係非常放心將Big Day嘅拍攝交俾佢哋，我哋都唔洗擔心結婚嘅嘢🥳。