我嗰陣時想買金器，所以就留意到千金金業，了解咗之後就知道佢哋有做買賣同租借金器。我留低咗contact 比佢哋，之後佢哋就影咗啲款俾我睇😋。 我鍾意佢哋嘅款同埋價錢， 同埋我哋可以淨係俾錢hold貨， 一個月內再跟返想要嘅金價去買🥰。如果有問題嘅話千金金業都會好詳細同好專業咁樣去解釋，例如我哋都會問點解佢哋啲金會比較優惠，佢會send啲資料俾我哋去上網睇係咪真係正貨，佢門市又有海關嘅證書，所以都幾放心🥳。不過要做咗會員先有優惠，所以淨係得兩種付款方式，希望可以有多啲付款方式，咁就會方便啲😙。

同事黃小姐一個好斯文、文靜嘅人😚。 一開始會問我哋想要啲咩嘢嘅款式，件金器有實物就會比我哋睇，冇嘅話就會比iPad我哋睇，同埋都唔介意我哋戴上去試吓💓。千金金業話出面用嘅技術同佢哋係唔同，所以價錢會唔同啲。我覺得佢哋嘅成品同出面嘅其實冇乜分別😝，而且千金金業有我想要嘅款， 我鍾意嗰款係左右都有一隻豬，下面再吊住啲細豬仔🐷，類似嘅款我喺出面都有見過，但係淨係得一隻豬，所以就喺千金金業買咗金器😍。

取金器嗰陣雖然我哋冇乜要求，但佢哋都叫我哋坐埋喺櫃位嗰度，然後將對金器擺咗落個秤，量番個両數俾我哋，再對返張單，所以真係覺得佢哋好好😆！