相比起其他公司，我覺得金氏海味嘅 package入面會包紅酒、水果籃同有埋送貨服務比較方便同吸引😆，加上對佢哋有信心，所以就揀咗金氏海味🥰。 打電話溝通嘅時候都覺得佢哋嘅同事態度唔錯，就算未必即刻約到期見面，佢都會解釋清楚原因， 都好有禮貌😝。

我揀咗佢哋嘅過大禮套餐 E， 有十式海味，我仲加多咗$200要多兩款生果😙。 加上金氏海味係用藤籃嚟包裝，包裝都好小心同埋精美 ，拎出嚟嗰陣都好大體同埋有特色🥳。我覺得佢哋喺生果方面可以再進步， 例如水果可以大個少少。 而且可能佢哋太忙，同唔記得咗send返生果籃嘅相俾我。但海參同鮑魚質素都幾好，所以海味嘅質素我都好滿意💕！

有一樣嘢好好嘅係金氏海味有用WhatsApp同我keep住聯絡，但如果講定幾時會做final follow up就會好啲！ 仲有一樣嘢佢哋真係做得好好嘅係，金氏海味幫手call車仲會WhatsApp返我哋司機嘅車牌，咁我哋就可以認到個司機💝！成個購物過程都係愉快同舒服，唔會覺得有壓力😍！