我見到朋友出去搵化妝師化嘅妝幾靚， 問咗佢就知道係Vicky化妝師😚 。 因為我自己本身係單眼皮， 癡雙眼皮貼呢方面會比較困難， 但係上網見到佢癡雙眼皮嘅技術幾好， 所以就搵咗Vicky💗 。 佢回覆嘅態度都係好有禮貌，有咩問題問佢都會答到🥰。

我本身自己冇戴開con， 試妝嗰陣就戴返pre wedding 個一款，Vicky 話俾我聽其實呢一款唔係咁適合我， 當我去買一副啱自己嘅時候， 佢都有幫我揀同俾啲意見我💞！ 所以佢對唔同方面嘅嘢都好熟悉❣️。 而且試完妝之後，Vicky 都有叫我問吓屋企人嘅意見，都會比時間我去考慮🤩。

試妝嘅時候都有溝通過我唔想露太多額頭， 最後都做到我想要嘅效果💘。Vicky化嘅眼妝好靚， 屋企人都話化得好好，就算我眼皮好重，佢都可以幫我癡到個雙眼皮出嚟，真係覺得佢好勁同好好技術🥳。 而且Vicky set頭都好靚！Vicky 都好細心，嗰日都有跟住我補妝同埋整理下髮型❤️。 最深刻係佢幫我老公set嘅頭好靚，個個都係咁讚🤣！之後我都有 send啲相介紹Vicky俾朋友😘！