我哋有睇過Carmen證婚嘅片段，最鍾意嘅係佢嘅聲線，語速，仲有內容🌟。而且佢嘅風格唔會係好商業，俾人嘅感覺反而係好親切，同出面嗰啲唔同，所以我哋揀咗佢😆。

Carmen係一個好專業嘅證婚律師，喺處理文件方面好謹慎👍，佢又會了解我哋點樣識，相處嘅經歷， 叫我哋互相講下鍾意大家啲咩優點同缺點😜 之後佢就會將我哋講嘅一啲零零碎碎片段，串連起做一個故仔，喺我哋個婚禮到講比賓客聽🥳，所以內容整理方面佢都好叻。Carmen真係好好，就算meeting嗰日我哋遲到， 而佢之後都有其他客人，佢都會等我哋。佢仲會問埋當日嘅rundown係點樣同一啲注意事項，所以佢係一個好細心嘅人💕！Carmen好貼心同好照顧我哋，因為我哋重要嘅訊息都會喺email到send，有陣時我哋唔係好快覆到，同埋有一排我比較忙，所以好少睇email。因為佢對我哋啲嘢都好上心，所以特登搵其他方法提我哋😝。

因為Big Day嗰日Carmen仲有另外一場證婚儀式要做，但佢都管理得啲時間好好，嚟到就同兄弟姊妹brief一次成個rundown😙。當日證婚嘅氣氛係莊重得嚟，又有輕鬆嘅感覺，令人唔會覺得好拘謹，反而好享受個氣氛😍。除咗做證婚律師之外，Carmen 仲做埋MC，佢嘅應變能力都好好，好多賓客嘅feedback都話佢好好💯，我哋都覺得佢係一個好有經驗嘅證婚律師之餘，同時都係一個好擅長主持唔同場合嘅MC。 我哋都好滿意佢當日嘅表現💖，如果有朋友問我邊個證婚律師好，我都會即時俾Carmen 聯絡資料佢哋😋！