本身都有睇過其他酒店，但係喺裝飾，樓底同大細方面都唔係好啱，我哋鍾意新式啲，設計上比較文青同young少少嘅酒店🥰，出面有啲場地會老氣咗少少。The Arca 好符合我哋嘅要求，所以揀咗佢哋😝。

同事tammy 負責follow我哋呢一對新人，The Arca俾我哋嘅感覺係好關心我哋😚，有關成個婚禮嘅鋪排、我哋俾嘅idea、有咩公司可以做decoration，佢哋都好積極同周到咁幫我哋籌備婚禮🥳。我哋有咩問題都會10分鐘之內WhatsApp覆返我哋，回答都好仔細🤩。 另外佢哋擔心一啲餐前小食唔夠，都會主動俾建議我哋👍。

我哋有安排旅遊巴喺散場嘅時候比賓客搭，佢哋驚我哋會overrun， 所以11:30 安排旅遊巴散場都可以， 但最後我哋喺原定時間11點已經完咗。如果喺上主菜嗰陣時同兄弟講吓幾時安排旅遊巴就會好啲，但始終有啲事係大家預計唔到🥹。做最後準備工作嘅時候，佢哋發現有啲裝修嘅位置未必係盡善盡美，The Arca嘅同事都盡快幫我整返好💯，所以佢哋都應變得好快，同埋都會滿足我哋嘅要求😝。

整體嚟講，The Arca嘅表現同前期嘅準備工作，我都好滿意！