上網睇過佢啲評語覺得幾正面，幾啱自己心水就揀咗The Vow❤️。 我覺得佢哋好friendly同好積極去解答我哋嘅問題。同事Crystal係一啲細節上都比到一啲好好嘅意見我哋，又跟得好好，所以都覺得The Vow好專業🥰。 睇場嘅時候都覺得場地好乾淨，保養得好好💕。

睇完The Vow個場地自己都好鍾意，所以之後都冇再睇過其他！我哋覺得戶外場比較開揚，佢哋日落嗰景又好靚，同出面一普通啲室內嘅場地唔同😆。Big Day之前佢哋又會安排我哋試菜，因為我哋嗰個係cocktail 時段，佢哋都有俾到一啲rundown我哋去參考😙。當日佢哋都有幫手整場地嘅佈置，例如backdrop同枱花嗰啲，都係佢哋整😜。佢哋會搵人幫手整個設計出嚟俾我哋睇一次， 變咗我哋淨係俾啲相佢哋同講返有啲咩要求，佢哋就會幫我哋安排💗，出到嚟嘅效果同與想像中差唔多。

當日同事都有喺場地到幫手，成個流程當日都好順利🥰。佢哋好熟悉我哋個流程，多數上一件事未完成嘅時候，佢哋已經準備緊下一件事。例如嚟緊要斟茶，佢哋會準備好曬啲茶俾我🥳。同事Crystal好好，當日全程跟住我，無時無刻佢都照顧緊我，所以我真係覺得佢好好💯，會幫我整理裙尾。一有時間佢哋啲同事都會即刻遞水俾我哋，覺得佢哋好warm💘。 Menu係可以更改，所以試菜嗰陣都揀咗幾個菜式，最深刻嘅係佢嘅蘋果批，因為我本身唔係咁鍾意食蘋果批，但都幾鍾意佢哋嗰個👍， 所以都對佢哋嘅嘢食幾有信心。同事有留到啲嘢食俾我哋完咗之後食，我同賓客都覺得啲嘢食幾好🔥。 我都會想介紹佢俾啲朋友認識，好開心揀咗The Vow❣️。