我哋睇咗Carmen嘅評語之後，覺得佢同其他嘅證婚律師唔同， 佢會講一啲我哋嘅背景先，唔會好似其他律師就咁證婚，讀完誓詞就走，我哋鍾意佢比較特別嘅style，同其他主流嘅證婚律師唔同🥰， Carmen做嘅證婚會有種warm嘅感覺，屬於我哋證婚嘅感覺，有返自己嘅特色💕。

一開始Carmen會問吓我哋之間嘅經歷或者點樣識，可以令賓客知道我哋嘅故事係點樣！佢俾我嘅感覺係好斯文同埋好溫柔，亦都係一個好好嘅聆聽者，佢會聽曬我哋講嘅嘢先俾意見，然後再繼續問問題🥳。 一開始佢都會講定啲細節俾我哋聽先， 會提醒我哋有啲嘢可以返屋企準備下，例如係揭頭紗同證件要搵定人負責袋，又會話俾我哋聽邊一啲位係常見問題😚，令我哋都有啲概念， 所以感覺到佢好有經驗同埋好細心✨ 。

當日佢嚟到都有睇吓我哋準備成點🥰， 因為先生冇準備誓詞，Carmen都有提醒佢要準備啲嘢，因為我自己有準備到，最後佢都講咗一啲好驚喜嘅說話，一啲我好想聽嘅說話🤩， 好彩有Carmen提醒先記得準備咁多嘢。當日佢嘅衣着好符合律師嘅形象， 當日嘅氣氛好溫馨❤️， 成班兄弟姊妹都喊曬，好感動。 同埋我哋delay咗，所以佢都同我講聲佢冇下一場，令到我哋安心啲。同Carmen相處得好舒服， 好似一個姐姐咁樣去照顧我哋，幫手籌備成個婚禮，令到我哋唔洗咁擔心😙，又會提我哋好多細節嘅嘢。 多謝佢講嗰啲嘢令到啲賓客都好專心🌟！雖然當日有啲細節我哋自己唔記得咗，但整體都好順利💘，我都會推薦Carmen俾其他朋友🔥！