我覺得Starry Bridal嘅價錢比較合理， 喺溝通嘅過程當中佢哋講嘢比較直接，唔會兜圈🥹。有陣時我問其他公司嘅時候，問佢哋東，佢就答西，我覺得咁樣好嘥時間， 但係佢哋就唔會有呢種情況出現，有問題問佢哋，Starry Bridal都會比到啲專業嘅意見我哋😝。

Pre Wedding我哋去咗日本福岡到影，因為我哋都唔係好熟嗰邊，所以Starry Bridal都有俾意見我哋🥳，佢哋揀嘅地點都唔錯，例如有啲附近仲可以去買嘢同玩🥰。攝影團隊有啲係香港人，有啲係日本人，幾好禮貌💕，影相嗰陣時又有教我哋擺pose。始終我哋唔係model咁樣成日對住鏡頭，所以佢哋教下就會好啲💯。

Big Day當日Starry Bridal有早啲嚟到睇吓個場可以點樣影，仲幫手去招呼客人💘。佢哋都有幫兄弟姊妹影吓相， 影大合照嗰陣又會叫啲親戚企埋啲，令成張相嘅構圖會好啲。我覺得團隊好細心，如果化妝師可以化到我瘦啲就會再好啲， 但都好滿意成個妝容💖！有陣時我食嘢整污糟咗塊面，同事都會幫我抹下，又會幫我梳下個頭😚。我哋收到相之後，都覺得好滿意， 不過執相方面可以再自然少少，但同預期之中想要嘅效果都係一樣👍！整體嘅服務都覺得滿意🔥，相處上都好舒服，團隊都好friendly✨！