我之前曾經去過Club One水中天飲宴，見到佢個台夠大，又闊落，裝修，環境，又有地方可以證婚，好適合我哋要求。而水中天地嘅一樓係用外邊嚟證婚，二樓係用天台證婚，天台可以畀來賓食煙，因為我嘅來賓都幾多人食煙，所以我覺得地方都好好。

服務我哋嘅係家琪，我哋同佢哋面談，佢哋都會畀好多意見我哋，好多細節上嘅問題都會解答。家琪亦介紹Wedding planner Wooby畀我哋識。家琪跑整場周圍都好得，好似睇人數同入席率。而我哋完全係交晒畀佢哋兩個安排，因為基本上全部rundown都係跟住Wooby嘅planning嚟行，梗係都有問過我細節方面，而我哋覺得非常之好，唔使諗都比較輕鬆。當晚佢哋有一個同事全程跟住我嘅，佢都做得好好，會好細心幫我將裙尾會擺好，同埋喺酒樓敬茶個陣都做得好足，每個細節位照顧周到。

籌備過程當中，我哋都遇到好多疑問都會WhatsApp問佢哋，佢哋都好快解答到，例如問佢哋有咩需要買，比利是場地工作人員嘅事 同埋 當晚播歌playlist等等，佢哋都好專業解答到 ，玩新郎嘅時候會俾我哋意見同時間方面都安排得好好同好順利。

我係擺夜晚婚宴，基本上場地佈置同回禮預禮物都係佢哋全部包辦，為我哋做咗好多嘢，減少咗我哋好多負擔。場地燈光同設計佈置都好好，無出錯。當晚嘅賓客都話食物質素都好好，水中天地嘅一樓是用嚟喺外邊來證婚，二樓係用天台證婚。成晚都好順利，佢哋控制場面好厲害，安排得非常好，我哋都好滿意。如果有朋友結婚，我都會推介Club One 水中天俾佢哋。