我嘅屋企人之前都有搵S.A.Wedding做Pre-Wedding，而我都喺S.A.Wedding嘅婚展booth了解咗佢哋嘅package同參考其他公司，但係都比較鐘S.A.Wedding，主要揀佢哋係因為知佢哋嘅場景同主題比較偏向宮廷式，王子同公主嘅主題。都有上網睇過BEPOKE WEDDING嘅comment參考過對比，style比較適合自己。😎我哋嘅Pre-wedding揀咗室內同室外。😁我都有做reference俾佢哋，同佢哋商量我想要點嘅風格，場景，同地方。室外我係揀咗喺石澳，但係都會詢問佢哋嘅意見，畢竟外景會打風落雨。

臨景前幾日，都會Email同WhatsApp我哋，sent當日嘅run down畀我哋，需要注意乜，都好細心啊🥰。 佢哋都好快覆我嘅問題，例如幾時有期，幾點可以試衫。試衫前都會sent幾個款式畀我睇，衫都好多選擇。當日都試咗好多件，因為之前佢哋話只可以試3件，但係之後都俾我試咗好多件，從中都了解我要嘅款式，最後我都攞咗自己滿意嘅裙。我都冇諗到佢哋會不斷攞衫入嚟俾我試，佢哋真係好helpful🤗。 Studio嘅景都好多，攝影師Math好專業同埋會用風趣啲嘅風格嚟攝影，會畀好多意見同做到足，同我要嘅風格做到8-9成👍。

拍攝時候都會開玩笑令我哋放鬆同教我哋擺pose，同埋會喺唔同嘅角度影相。影完之後，經佢哋edit後都覺得好滿意。 成個過程我感覺都好好玩，無論係攝影師，助手，到化妝師都好似好enjoy，氣氛都比較放鬆☺️。佢哋嘅服務我哋都好滿意！