當時我上網見到Carmen係連詩雅嘅證婚律師，而咁啱個陣我要搵證婚律師，所以就contact咗佢。由於我結婚當日係大旺日，所以當Carmen話佢當日有檔期，之後我就confirm咗佢。我知Carmen都有做MC嘅經驗，所以我就揀咗佢做我嘅證婚律師兼MC。前期時候我哋都係透過 message溝通，之後就約咗一次Lunch meeting開會同簽文件。見面當中，Carmen會問下我同先生嘅相識過程，同我哋嘅愛情故事，之後佢會一邊聽一邊好細心咁記錄低👍🏻。佢最後又會問下我哋有無邊一part係唔想分享嘅，咁到時佢就唔講，佢好顧及我哋感受，係一位好有經驗嘅證婚律師，令我好放心咁將證婚環節呢個重要交晒比佢😘！

婚宴當晚，Carmen好清楚整個流程，甚至會好主動咁同酒店職員溝通幫我哋打點❤️。另外，佢會事前入嚟同我哋練習講結婚誓語，又會同我哋講下一陣可能會遇到嘅情況，比個心理準備我哋。我好怕證婚律師自以為好風趣幽默，搞到氣氛好尷尬，但Carmen就唔會，佢係一個好生動嘅主持人，好識帶動氣氛🥳。佢仲將我哋嘅愛情故事，清晰而有條理地串連起來，再用好生動方式分享，我哋自己都聽到好感動，台下所有親戚朋友都聽得好投入。我好多親戚朋友事後都讚Carmen做得好好，一開始大家都以為佢只一個MC，之後先知原來佢係我哋嘅證婚律師，佢完全打破咗大家都對律師沉悶嘅印象。當晚Carmen專業地幫我哋完成咗人生一個好重要嘅moment，我簡直覺得佢係一位被律師專業耽誤咗嘅MC😂！