一開始我都有留意到Regal Kowloon Hotel，但係之後都睇過下其他公司嘅，不過最後揀咗佢係因為價錢方面都好合理。👍我哋有面談同Whatsapp溝通，同事喺溝通方面都好直接，好易明佢講嘅嘢☺️。佢哋都有位同事係專門Follow我哋，佢都好專業同埋熟悉呢方面嘅嘢。☺️所有嘢佢哋都會幫手，雖然我地嘅Deco係其他公司做，但係佢哋啲職員都有幫我手聯絡佈置公司。場地我覺得比較古典啲，係行義大利式，所以我覺得幾特別嘅。場地啱啱好，唔會太大，亦都唔會太細。結婚當日，佢哋都好照顧我同太太，特別係有位男同事，整晚都跟住我。賓客都好滿意呢個場地，食物方面都唔錯，好好味。

婚禮之前，我哋都會配合返時間，整個過程都好順利，事前有夾過個rundown，有位男同事會提醒我哋呢個moment要做咩，嗰個moment要做咩，呢方面佢都好細心，太太果度都有位女同事跟住佢嘅，會幫手擺裙尾，好多細節位都有照顧到。咁我哋無呢方面嘅經驗，所以都好依靠佢哋👍我地啲職員相處得好舒服。場地嗰到本身得一個車位，但我就想要三個車位，我哋經過溝通之後，佢哋都好配合到我嘅要求，最後俾咗三個位我哋，真係好好👍。佢地都做到全方面嘅嘢，好細心，職員態度好專業，好明白新人嘅顧慮同埋會照顧埋我地嘅情緒，都好有經驗幫我哋處理問題。朋友要結婚我會介紹返俾佢哋認識😍。