我喺網上做緊research，就見到Regal 嘅網頁，本身都有睇過其他場地，但係Regal 就比較近港島區，地點夠方便，而最重要嘅係佢哋服務態度好好，所以我哋好放心，咁啱場地個日又available，就快快落咗訂啦！Staff 好清楚解釋package入邊嘅嘢，會俾好多資訊我哋參考，又好遷就我嘅要求，好supportive🤩，令我覺得好surprise，佢哋非常敬業💯。本身我有請個 wedding planner，咁佢哋都會自己同我嘅 Planner夾返rundown啲時間，編排好活動次序，呢點我覺得都幾好❤️❤️。

婚禮個日佢哋同事都好貼心，提早俾我哋deco team入去set 場地，準備好啲擺設，時間方面我就覺得好充足，唔會急急腳要你哋準備好曬啲嘢，呢點我覺得好prefect。Regal係五星級酒店，場地呢方面俾我第一個印象係傳統嘅風格，啲職員有話我知遲啲會更換一個新形象，我覺得都幾好👍🏻。

婚禮當日其實我自己嘅 Wedding Planner 係會全程跟身，之不過 Regal 都仲係會安排一位同事follow我，成個婚禮都好take care我，好細心，好幫得手，會關心我食咗嘢未、準備一啲嘢食，會主動了解我需要乜嘢，好sweet，好貼心🥰。最後全部schedule都跟住rundown進行，一啲delay都冇👍🏻👍🏻婚禮都舉行得好smooth💕食物方面屋企人都有feedback俾我話好好味啊，食物質素冇得頂💯，

我覺得好幸運可以搵到Regal 咁好嘅場地，令我當日婚禮咁完美👍🏻🥰我先生就冇乜comment，整體上佢都好滿意，我哋都覺得成個團隊好helpful，又好細心，佢都話一定要介紹俾其他朋友知！