我網上搵到 The Arca，覺得佢嘅婚宴場地環境好靚，空間比較乾淨，都有睇過其他場地，不過其他環境同空間都冇The Arca咁好🤪。之後我哋就直接去睇場地，當時係職員Tammy 好nice咁全程serve我哋。Tammy服務態度好好，講解package好清晰詳細，講明無隱藏收費，亦都唔會hard sell。佢仲會企係我嘅角度為我考慮🥰，即使我有要求，佢都會配合，俾人感覺好有經驗同好專業。佢好樂意解答我哋嘅問題，唔會覺得我哋好煩😂，成個過程都好舒服，所以我哋就直接落訂😍！喺我哋落訂之後，Tammy都會keep住send唔同嘅資訊俾我哋參考，係唔同嘅細節上面都俾到意見我哋 。甚至係婚禮前半年，佢就已經同我哋確認好rundown，回覆message嘅速度都幾快💯。

我哋嘅午宴雖然係中午12點，但The Arca 9點就開放俾我哋入去set場，都幾貼心🥰。 當日package嘅食物真係意料之外，大家都大讚好好味😋！西式食物都大受好評💯，如果冷盤選擇有再多啲就更好。我哋都覺得西式食物真係幾好食，有surprise到我同屋企人。我哋本身package系包2小時飲品，但婚宴通常都是4-5鐘，2小時太少，所以最後我哋要額外加飲品嘅費用，我希望呢一點可以改善下。The Arca安排幾個staff係婚宴keep住follow，同take care我哋，又會關心我哋食咗嘢未，準備一啲水比我哋，令我感受到佢哋好warm❤️，雖然太太話，貼身跟住佢個個女同事就唔係太熟手，唔知係咪新人呢。 不過整體都幾好，好多謝佢哋團隊嘅配合，好謝Tammy嘅用心，令我哋嘅婚禮圓滿舉行。