我喺上網做research時搵到佢，比較過幾個MC之後，最後覺得MC Billy嘅評語都幾好，同屋企人討論完都覺得直覺唔會有錯🤣🤣當初未落訂嘅時候，佢係覆message覆得最快嘅，就算佢忙緊都會話我知會遲啲覆返我，呢點我覺得Billy好有責任心，我會對佢比較有信心💪覺得佢比較有交代，重視每位新人🤣因為嗰段時間係結婚旺季，Billy都好忙，我哋就夾唔到時間見面，最後我哋都係電話傾返啲細節，其實佢是專登抽時間出嚟同我傾，我真係好欣賞佢嘅attitude，又好專業，無論係溝通定係婚禮細節嘅安排，佢都細心講解💯

其實整個溝通過程，佢解答嘅好詳細，本身我屋企人就冇呢方面嘅經驗，就俾唔到太多意見，佢知道之後，會用佢嘅經驗嚟俾意見我參考，例如話俾敬茶sample我哋睇，rundown應該點planning啊，或者係要準備乜嘢，我覺得佢好helpful，唔單單係會做返MC嘅本分，係做好多額外嘅service，最後我哋都好快夾到，有個共識，我屋企人對佢comment都好好，某得頂😂😂🥰

婚禮當日Billy都有提早到場get ready，仲會同我哋分享佢以往嘅經驗，話俾我哋知點樣rundown可以編排得更好，好幫得手👍🏻 原本當晚係有個敬茶環節for女家親戚，臨時男家就話要一起敬茶，咁Billy 面對突發情況，都好快幫我哋準備好的嘢，重新排過啲rundown，係一個應變能力幾強嘅人💯🥰 當晚佢表現好好，唔會有亂詞出現，搞笑得來又唔會話講爛gag 🥰而且我哋婚禮所有rundown時間同埋氣氛，佢都handle得好好，所有嘢都in control，另外Billy嘅幽默同應變都令賓客好開心。 我比較surprise嘅係，因為事前佢有同我攞敬茶同埋影相嘅list，所以影大合照同埋敬茶嘅時候佢都好清楚每一個人都要企邊，仲知道有邊位親戚需要敬茶。其實本身就唔打算請MC幫我主持婚禮，最後我都好幸運選Billy作為我嘅MC，親戚朋友都有feedback話個MC好好啊，好搞笑，而且Billy幫輕咗我好多嘢，整個婚禮都好smooth，好順利，我真係好滿意🌟。