其實我嘅婚禮比較趕時間嘅，當時上網搵咗好多間婚宴場地，就睇到 Regal 嘅場地合我心意，就email俾佢哋簡單了解一啲資訊，同預約時間睇場地！👍🏻 對比咗好多場地之後，覺得 Regal Hong Kong Hotel 最靚最闊落嘅。去睇場地嗰陣，佢哋酒店宴會廳裝修好吸引，而且酒店有條樓梯超級靚！😍

咁其實佢哋嘅package我覺得好好，👍fit到我要求，例如 deco，飲品，宴會食物仲有好多服務都包曬，☺️ Regal 有同佈置公司仲有婚紗公司長期合作，凡是落訂 Regal 服務嘅新人，就可以得到好多優惠券，所以我哋慳返少少錢唔使再搵其他公司。🎉 地點方面就好方便，賓客唔使轉好多站巴士先可以到，因為有啲親戚住得比較遠，所以同先生就考慮到 Regal 酒店嘅地點比較方便大家。就快快落訂啦！ 😄

我哋落訂完就用電話嚟溝通，溝通嗰陣同事都好nice，會好快解答到我嘅問題，因為當時係防疫尾聲，所以就好驚唔知最後酒席圍數或其他嘢有冇任何變數，佢哋都好專業，會keep住update我啲資訊。💗細節方面佢哋都會事先確認好，例如需唔需要準備返素食。因為本身就訂咗入邊宴會廳嘅，佢哋就建議我哋可以打通埋第二個廳，咁賓客會坐得舒服啲，唔會好迫，佢哋真係好細心入微，連好細嘅問題都考慮到。💯💯  Regal就有送咗我哋婚宴前一晚嘅新人房俾我哋，新人房入邊個deco好靚，睇得出佢哋有用心，而且冇額外charge我哋費用嘅😍，咁我就有事先同佢哋同事了解好關於路線點安排，點行上樓敬茶，佢哋都好樂意幫忙，答得好清晰。👰🏻‍♀️ 當日其實我就好忙嘅，好彩佢哋有安排一位同事全程跟身，好幫得手，會斟水俾我飲，陪我入場，會主動關心我嘅需求。👍🏻當日成個流程都好smooth，好順利，雖然我有好多rundown嘅嘢趕時間，但係都仲喺好完美，而且佢哋同事都好好人，影大合照嘅時候其他同事都會搵人幫手搬凳俾長輩。💯

嗰日菜單偏向中餐嘅，食物方面朋友普遍都話好食，我都覺得好唔錯，而且就喺我嘅預算範圍內，食物水平都好高，價錢又好合理😋😋 令我比較深刻印象嘅係，我要求姊妹房盡可能安排近啲，佢哋都有為我哋安排。👍🏻👍🏻 後尾因為有啲外地嘅屋企人想住耐啲，我哋就喺網上book咗幾晚，佢哋同事都好好，會帮我哋confirm好啲booking。💯整體我就好满意，就已經介紹俾搵緊場地嘅朋友，咁啱就有新人Book咗個slot，不過如果仲有朋友結婚搵場地我都會推薦Regal Hong Kong Hotel俾佢哋。💗