我喺網上識咗The Vow，我哋揀The Vow主要係因為環境比較特別，比較優美，好啱我心水。我哋都有網上睇過啲comment都比較正面，再加上當時講解同事態度又好好，所以我同先生一致決定揀The Vow。我哋大多數用 Whatsapp 溝通比較多，佢哋同事都覆得好快，好清晰解答我哋嘅問題，而且態度都好友善。

去睇場嗰陣，同事講解得非常清晰，帶我哋去周圍睇，好詳細咁介紹，我哋覺得成個場地都Keep得好乾淨，令人覺得好舒服。一入去就覺得嗰度好靚，呢部分我哋都好滿意！ 佢哋同事都好專業，會主動幫我睇返我哋嘅rundown，俾我哋好多關於rundown編排嘅建議，令到我哋嘅rundown可以更加流暢。佢地對場地嘅安排同流程都好熟練，亦會提醒我哋需要準備嘅嘢，我覺得佢哋同事都好幫得手，好專業！

Big day當日，The Vow非常貼心，安排咗一個貼身助理全程跟住我。貼身助理都好細心，從頭到尾都keep住照顧我，睇有冇嘢需要幫手。Big day嘅菜單，其實係fix咗嘅，但係我就想換入邊少少菜式，佢哋都好flexible，upgrade其他菜式俾我哋揀。當日仲好多親戚朋友特登同我講，覺得食物方面好高水準，好新鮮，好好味！其實我啲實客都唔多，所以戶外嘅場地空間好足夠，唔會迫，如果新娘房再大啲就更好啦。The Vow場地真係好靚，好大體，而各樣設備方面都OK，成個婚禮過程都好順利。我想特別分享吓，The Vow嘅同事真係好friendly，相處上都好輕鬆，有啲咩問佢哋都可以好快解答到，而且場內嘅人手都好足夠，工作人員又好落力，所以唔會有手忙腳亂嘅情況。