揀尚囍過大禮之前都有睇過其他公司，我覺得尚囍啲套餐價錢好相宜，同事服務又好貼心同友善。而且尚囍過大禮個包裝好吸睛，例如啲鮑魚，魚翅都會包裝得好靚🤩。我真係好中意個包裝，因為想將嗰份喜悅分享喺social media，同大家一齊慶祝💗，所以最後就揀咗佢哋！

尚囍過大禮啲套餐性價比真係好高。最後都揀咗一個好有意義嘅套餐「你的名字我的姓氏」。 其實籌備過大禮嘅時間都幾緊湊，但尚囍啲同事好用心去serve我哋，尤其係老闆Mark，佢真係如評論所講咁nice，佢又好用心幫我哋，而且唔計較。佢哋會根據我哋嘅預算去推薦，啲套餐都解釋得好清晰，所以揀套餐嘅過程都好順利。臨尾嗰陣時，佢哋都好貼心俾啲關於注意事項嘅溫馨提示我哋，佢哋嘅服務真係好好！而且佢哋好專業，會分享啲習俗俾我哋知。而過大禮個日嘅大妗姐，都係經Mark介紹！👍🏻

我哋同屋企人都好滿意過大禮入面嘅產品，連親朋戚友都大讚🌟。我本身對啲海味都有啲認識，所以都好清楚嗰啲產品嘅價值。尚囍過大禮啲產品，瑤柱，鮑魚粒粒都好飽滿😝，會知道佢哋嘅用料都係精挑細選，唔係俾啲次貨我哋。花膠，魚翅，水果籃都係好好質素，所以無論係個包裝，同埋啲產品都絕對係值呢個價錢！

尚囍過大禮仲包埋送貨，又送咗啲茶壺同上頭嘅嘢俾我哋，唔洗我哋再去煩啲細微嘅嘢，呢點真係好好😍！過大禮當日司機出車嗰陣，同事都會提早通知我哋，之後仲好貼心提醒我哋邊啲嘢係要雪落雪櫃，真係覺得佢哋好貼心好溫馨，好專業！🥰 成個過程好有儀式感，屋企人都好開心！同埋我最欣賞嘅係佢哋回饋社會嘅理念，係好合我哋眼緣嘅商家。嚟緊有好多朋友結婚，我都已經介紹咗好多人去尚囍😋！